之所以話“慢”，系因為多數人過大海都系一日遊，唔系搵何生搏殺，就系買化妝品……而我唔想玩得趕喉趕命，足足逗留佐三日，來個澳門“慢”游。

其實繫上學期LILY話想去澳門睇教堂同博物館，我先扯起條筋話我又去。點知LILY唔得閒，杜阿桂只衰婆搞個簽注都慢過人，結果最後得我同水小姐順利成行。上網搜下攻略，務求做到慳錢、慳力、慳時間！

2月18號，我特登揀呢日，因為D中小學生開曬課，非周末無咁多人。金城7：30上車，110大洋包來回。10點半橫琴過關，11：15英皇落車，順利到步。

系新馬路轉佐陣，入旅遊局拿齊地圖等資料，再系M記填飽個肚，搵地方落腳。俺倆一介窮學生，住唔起永利、星際、威尼斯啊，最後摸到隆福新街，找了個小旅館，300兩晚，平均每人150，將就將就吧……

下午殺去路環島。路環相對比較偏遠、冷清，所以好少廣東噶一日自由行去過邊，只是見到一些北方人同日本團，景點少也相對集中。其實行去果邊都只是為左去圣方濟各教堂（宮結局拍攝地）同試下安德魯葡撻。

好多人去澳門都會試瑪嘉烈葡撻。相傳安德魯和瑪嘉烈是一對夫妻，賣葡撻開了十一家店。後來離婚了，安德魯給了十間瑪嘉烈，自己只留了一間在路環。一場來到，梗要試試。

夜晚去各大casino見識下，入佐4個賭場，比人欄住3次要查身份證，唉，無計，鬼叫我個樣生得年輕咩永利门口

MGM接待处,呢个叫Fiori di paradiso drawing wall，系由52快鲜艳夺目的玻璃画幕墙拼成，块块出自名家之手。

MGM大堂天花，呢个大型玻璃花卉装饰叫Fiori di paradiso ceiling，由世界著名艺术家Dale Chihuly呈献，完全由人工吹制而成，超靓~！

casino裡面多數系D中年師奶同阿叔，個個一大堆籌碼系咁dum落去眼都唔眨下，認真威。我本來無心要玩，但在阿水的慫恿之下，小賭怡情，買了一百籌碼（無計，窮學生，怕輸了回不來）。買大細，買了一鋪大，贏了，拿了何生一舊水即刻收手。畢竟體驗過就算了，無必要拿命來博。阿水贏了2百。我地兩個在casino飲飽吃醉（揾著數之師奶所為）后，滿意地離開了。

第二日一早襯無咁多人行去大三巴、炮臺同澳門博物館及及。賣佐張博物館通行證mop25，可以行曬6大博物館，抵到爛。跟住去關閘搵免費車去威尼斯人，純粹去睇下距個大運河同人造天空，感受下資本主義噶奢華。

下午殺去龍環葡韻住宅博物館，碰巧周二免費，哈哈，又省下一筆！

行到咁上下，又系時候搵也吃。龍環葡韻行上少少就系官也街。一去到就見到莫義記，要佐個榴蓮雪糕mop10，都幾貴仲要好鬼細盒。不過真繫好正，可以建到榴蓮肉噶纖維。坐低慢慢嘆~~~水小姐頂唔順陣榴蓮味，自動彈開……

2：45系時候去吃大利來噶豬扒包。大利來的確焦積，日日準時3：00出爐，限賣500個。去到2：50已經鬼咁多人排隊，成世人第一次排隊買包。mop15一個，再要佐杯奶茶mop8。個豬扒包確實系幾正，豬扒大過包。可惜時間匆忙，無影低個包的靚仔相，遺憾……

夜晚去sasa、卓悅啊D買左少少野，再循例買D杏仁餅牛肉乾返歸做手信。

第三日朝早出來，去左沉日無意中發現的成記吃粥。之前看網評有網友推薦，澳門老字號。成記就在隆福新街同新馬路之間，只是一間在小巷中搭起的大排檔，但人氣好旺，老板既人情味十足。本地人、旅客都有幫襯。點了碗牛肉粥mop12。老闆龍哥超搞也，口水花噴噴，又唱歌又講冷笑話未停過。不過呢個就系距噶特色，真系抵距發達。。

澳門有距自己一套噶食文化，好多堅也都只是埋藏於街頭巷尾中，真系要細心搵下先有收穫

龙哥负责配料、唱歌十分搞笑，龙嫂负责祖传粥底
環境雖不舒適，但氣氛很好牛肉粥真繫好大塊牛肉，粥底又正，勝在無味精味~

跟住去媽閣廟同漁人碼頭、金蓮花，循例影張相，到此一遊。

之後就是博物館之旅了。呢個時候博物館通行證大派用場。參觀了海事博物館、賽車博物館和葡萄酒博物館。澳門對於自己噶歷史文化傳承做得相當好，而且博物館收費不貴，實在有益大眾。

除了博物館，要感受澳門文化不得不提噶就系教堂，澳門對歷史文化建筑噶維護真系唔話得，雖然要定期維修同請保安公司看管，但一樣免費開放，再一次有益大眾。

6：20英皇上車， 3日噶馬交之旅完滿落幕，行足3日雖然好攰，但想去的地方基本都去了，好滿足，好開心。

byebye，macau，see you later~~~~